Plagoset ushtari i FSK-së në Kosovë, zbardhen detajet

Një person ka mbetur i plagosur me armë zjarri këtë të diel, 16 nëntor 2025, në fshatin Sharban të Prishtinës.

Lajmin e ka konfirmuar për mediat kosovare zëdhënësi i Policisë së Kosovës për rajonin e Prishtinës, Enis Pllana, i cili tha se ngjarja është raportuar rreth orës 14:30.

“Njësitet policore kanë dalë menjëherë në terren dhe sipas informacionit fillestar, një person është plagosur,” deklaroi Pllana, duke shtuar se i lënduari është transportuar me urgjencë për trajtim mjekësor.

Dyshohet se të përfshirët janë pjesëtarë të FSK-së

Sipas burimeve të televizionit, i plagosuri është një 22-vjeçar, pjesëtar i Forcës së Sigurisë së Kosovës. Po ashtu, mësohet se edhe personi që dyshohet se ka qëlluar me armë është, po ashtu, pjesëtar i FSK-së.

Të dy personat dyshohet se kanë qenë jashtë orarit të punës në momentin kur ka ndodhur incidenti.

Policia heton rrethanat

Policia e Kosovës po vijon hetimet për të zbardhur motivet dhe dinamikën e ngjarjes. Deri më tani nuk raportohet për të arrestuar, ndërkohë që pritet një komunikim zyrtar me më shumë detaje.