Po tentonin brigjet europiane, mbytet varka me 63 persona

Mesdheu duket se do të jetë dëshmitar i ngjarjeve tronditëse.

Vetëm pak ditë më parë tre fëmijë u gjetën të mbytur, ndërkohë që një anije ngeli në det të hapur.

Edhe ditën e sotme është shënuar një ngjarje e rëndë, ku në tentativë për të kaluar në brigjet europiane, një varkë me 63 persona është mbytur.

41 persona të tjerë janë shpëtuar nga roja bregdetare në brigjet e Zwaras, raporton agjencia e OKB-së në profilin e saj në “Twitter”.

Incidenti është konfirmuar edhe nga zëdhënësi i Marinës Libiane, Ayob Amr Ghasem.

Ai është shprehur:

Ka pasur zbarkime të shumta dhe njëra nga ato ishte në gjendje. Sigurisht që ka të vdekur”

Pak ditë më parë, shifra të frikshme u publikuan nga një raport i fundit nga Kombet e Bashkuara.