Presidenca: Zero shkelje të Kushtetutës. Do publikojmë raportin…

Zëdhënësi i Presidentit, Tedi Blushi ka bërë të ditur se kreu i shtetit do të publikojë raportin e tij për draft Opinionin e Komisionit të Venecias.

Blushi në një postim në Facebook thekson se Draft Opinioni i Venecias meriton një shtjellim të plotë, larg çdo ndikimi politik dhe të dyshimtë.

“Brenda javës institucioni i Presidentit të Republikës do të bëjë publik për opinionin vendas dhe ndërkombëtar Raportin e tij për Draftin e Opinionit të Komisionit të Venecias, gjithmonë në vazhdim të transparencës dhe rëndësisë së çështjes në fjalë, që meriton vetëm shterim kushtetues, ligjor, profesional dhe faktik, larg çdo ndikimi politik dhe të dyshimtë.

ZERO SHKELJE TË KUSHTETUTËS!

MBROJTJE E SHKËLQYER E KUSHTETUTËS!

MBROJTJE E SHKËLQYER E KONVENTËS EUROPIANE TË TË DREJTAVE TË NJERIUT!

MBROJTJE E SHKËLQYER E VENDIMIT TË GJYKATËS SË STRASBURGUT PËR TË DREJTËN E ZGJEDHJES!

MBROJTJE E SHKËLQYER E DETYRIMEVE LIGJORE QË KA SHQIPËRIA NGA MARRËVESHJA E STABILIZIM ASOCIMIT ME BASHKIMIN EUROPIAN!”, thekson zëdhënësi i Metës.