Pushtimi rus, Kievi vendos shtetrrethimin nga ora 17:00 e pasdites së sotme, ja paralajmërimi i kryebashkiakut për civilët

Kryeqyteti i Ukrainës, Keivi, do të vendosë shtetrrethimin, duke filluar nga ora 17:00 e pasdites së sotme, deri në orën 08:00 të mëngjesit tjetër.

Lajmin e ka bërë të ditur kryebashkiaku i Keivit, Vitali Klitschko, i cili ka thënë se ka shpallur shtetrrethimin e ri për kryeqytetin ukrainas. Kjo masë hyn sot në fuqi, duke zëvendësuar shtetrrethimin e mëparshëm nga ora 22:00 deri në 07:00 të këtij mëngjesi.

Kryebashkiaku ka paralajmëruar në “twitter” se “Të gjithë civilët në rrugë gjatë shtetrrethimit do të konsiderohen anëtarë të grupeve të sabotimit dhe zbulimit të armikut”.