Reagon kandidati i opozitës Admir Sinamati: Nuk ja dalin dot as me leje as presion me montazhe qesharake

Kandidati i opozitës në Kukës Admir Sinamati ka reaguar sot rreth një montazhi të publikuar në media në lidhje me babain e tij. Sinamati shkruan se makineria e propagandës nuk po “ecën më përpara”, e dje u detyruan të rikthehen edhe njëherë “mbrapa”, për t’u kacavjerrë dëshpërimisht tek zgafellat e sigurimit të shtetit si dikur, duke montuar farsa për të baltosur emrin tonë.

Lajmi i botuar në disa media pranë qeverisë(foto)

Më poshtë vetë personi që është dënuar Baram Gjana ka sqaruar në më yrë shterruese duke hedhur poshtë montazhin dhe sajesat e kandidatit Gjici.

INTERVISTA e PLOTË:

Të gjendur përballë refuzimit përçmues të kuksianëve, pasi u ranë me rradhë të gjitha planet për ta deformuar procesin e zgjedhor me anë të blerjes së votës, presionit dhe mashtrimeve, me anë të një montazhi qesharak, sapo tradhëtuan edhe sloganin e tyre.

Makineria e propagandës nuk po “ecën më përpara”, e dje u detyruan të rikthehen edhe njëherë “mbrapa”, për t’u kacavjerrë dëshpërimisht tek zgafellat e sigurimit të shtetit si dikur, duke montuar farsa për të baltosur emrin tonë.

Vetëm një regjim kriminal si ky e ka moralin e prishur që për dy vota të sulmojë të gjallët me ata që prehen në jetën e përjetshme, të thurin intriga e të trazojnë eshtra të njerëzve që jetuan gjithë jetën me dinjitet!

Ne do u japim përgjigjen e merituar ligjore dhe njerëzore këtyre nekrofilëve që vërtiten si hiena nëpër Kukës, e një ditë, qyteti ynë do pastrohet prej banditëve të porositur nga Tirana për të sulmuar kuksianët e ndershëm!

Avdi Gjana, kryetari i “Shoqatës së të Përndjekurve Politikë”, i përfshirë në grupin e supozuar si i dënuar nga trupa gjykuese, përfshirë babain tim, ka reaguar me neveri duke hedhur poshtë çdo pretendim të bandës në ikje!