Rusia bombardon Kievin me raketa!

Kievi u shënjestrua nga të paktën katër raketa, teksa qytetet e tjera të Ukrainës janë nën agresionin rus.

Kryeqyteti ukrainas u shënjestrua nga të paktën katër raketa këtë mëngjes, sulmet e para në disa muaj, teksa qytete të tjera ukrainase gjithashtu u vunë nën sulmin rus në vazhdën e shpërthimit të madh të së shtunës që goditi një urë kyçe të ndërtuar nga Rusia në Krime.

Gazetarët e Guardian në Kiev dëgjuan disa raketa që u kalonin mbi kokë me të paktën një të shpërthyer, teksa një shpërthim i katërt u dëgjua pak më vonë.

Ukrainasit ishin përgatitur për një hakmarrje të ashpër ruse pas shpërthimit që rrëzoi një pjesë të urës Kerç që lidh gadishullin e okupuar të Krimesë me kontinentin rus herët të shtunën.

Ndër objektivat e goditura gjatë natës ishte qyteti i Zaporizhzhia i cili u godit për të tretën natë radhazi dhe qyteti port i Mykolaiv. Sulmet pasojnë raportet për një rritje të aktivitetit nga bombarduesit strategjikë rusë me disa prej raketave të lëshuara nga zona e detit Kaspik.