Kokainë nga Holanda në Europë

22 persona janë vënë në pranga nga policia italiane për përfshirje në një rrejte të trafikut të kokainës nga Holanda në Itali.

Hetimet e nisura që në vitin 2016 janë finalizuar në operacionin e koduar ‘Sottobosco’ të zhvilluar në zona të Emilia Romagnas, Toskanës, Lombardisë dhe Sicilisë.

Sipas specialistëve, hetimet kishin dokumentuar me prova aktivitetin e bandës për trafikun e kokainës.

Në bandën e shumëkërkuar bënin pjesë edhe disa shqiptarë, identitetet e të cilëve nuk janë bërë me dije.

Arabë, holandezë e shqiptarë të specializuar në importin e kokainës nga Holanda duke përdorur lidhjet dhe rrjetin ndërkombëtar të drogës të krijuar atje.