Shpërthim tritoli në Vaun e Dejës

Përditësuar më 22 Shtator 2024, 23:25

Lënda plasëse është vendosur në derën e jashtme të banesës…

Qarku i Shkodrës nuk gjen qetësi. Pas atentateve në qytet dhe vrasjeve në Velipojë, këtë herë ka pasur shpërthim tritoli në Vaun e Dejës.

Behet me dije, se lënda ka plasur në fshatin Bushat, në banesën e Filip Dodajt, 32 vjeç.

Sipas burimeve, lënda plasëse është vendosur në derën e jashtme të banesës. Nga shpërthimi nuk ka pasur persona të lënduar, teksa dyshohet se ka qenë një mesazh paralajmërues.

“Rreth orës 21:10, ne fshatin “Bushat”, Vau i Dejës, në portën e jashtme të banesës së shtetasit F. D., 32 vjeç, është  hedhur  një sasi e vogël, dyshohet lëndë plasëse. Si pasojë ka vetëm dëme të vogla materiale”, thekson policia.

Muajin e fundit, rrethi i Shkodrës ka qen në krye të listës lidhur me atentate dhe vrasjet. Ngjarja më e rëndë ishte ajo që ndodhi më 30 gusht, ku në një lokal u vra Elis Rroshkodoli, 36 vjeç. Ai u qëllua me 14 plumba, teksa më pas u arrestua një 26-vjeçar dhe u shpallën në kërkim bashkëpunëtorët e tij.

Më 7 shtator, boksieri i njohur i Vllaznisë Arjon Kajoshi i shpëtoi një atentati në rrugën “Partizani” të Shkodrës. 27-vjeçari lëvizte me fuoristrade ‘Range Rover’. Ai u qëllua me 4 plumba pistolete, por shpëtoi pa lëndime dhe u largua me vrap në lagjen Rus. Ndërsa policia ka mundur te identifikoje menjëherë autorin, Alban Bruci. Shkak i atentatit të dështuar dyshohet se ishte hakmarrja.

Ngjarja e radhës ndodhi më 8 shtator. Ngjarja ndodhi rreth orës 17:50, në fshatin “Golem” ku Mario Kroni plagosi me armë zjarri, 29-vjeçarin Renaldo Kola.