Shtohen pakënaqësitë nga BESA dhe PDSH me Zaevin?!

Qeveria po zvarrit ndarjen e posteve të drejtorive dhe disa posteve të tjera qeveritare si pjesë e kulaçit të ndarë për Lëvizjen BESA dhe PDSH. Kohë më parë burime partiake bëjnë të ditur për televizionin Shenja se as nuk kanë filluar të takohen grupet punuese të cilat u paralajmërua se do të formohen dhe do të diskutojnë për këtë çështje.

“As partnerët e deritanishëm e as partnerët e posainkuadruar në koalicionin qeveritar nuk kanë informata se kur do të bëhet ndarja e drejtorive dhe pozicioneve të tjera në eshalonin e tretë”, theksuan këto burime.