Skrapar, aksidentohet teksa punonte, vdes 55-vjeçari

Një ngjarje e rëndë ka ndodhur në Skrapar. Mësohet se punëtori i një firme përpunimi mermeri ka humbur jetën si pasojë e një aksidenti në punë.

Ngjarja ka ndodhur në vendin e quajtur Qafa e Devrisë dhe viktima është identifikuar si Arben Piro 55 vjeç, banues në Skrapar.

Njoftohet se janë arrestuar dy punonjës të tjerë të kompanisë në pozicione drejtuese.

Në pranga u vunë J.M., 68 vjeç, banues në Tiranë, me detyrë përgjegjës teknik dhe K.S., 50 vjeç, banues në Greqi, me detyrë përgjegjës sektori.

Të dy akuzohen për veprën penale “Shkelja e rregullave të mbrojtjes në punë”.