Sulmi me armë ndaj Top Channel që i mori jetën rojes, Meta: Epoka e krimit duhet të marrë fund, që të vijë epoka e shqiptarëve

Kreu i Partisë së Lirisë, Ilir Meta ka reaguar për ngjarjen e rëndë që ndodhi pas mesnate ku është qëlluar me armë zjarri ndaj godinës së Top Channel dhe për pasojë humbi jetën roja 60-vjeçar.

Në një postim në rrjetet sociale, Meta shkruan “bashkohem me pikëllimin dhe dhimbjen e familjarëve dhe gjithë shoqërisë sonë. Epoka e krimit duhet të marrë fund, që të vijë epoka e shqiptarëve”.

POSTIMI I PLOTE I METES

Edhe sot krimi e mori një jetë. Një jetë të pafajshme, të një punëtori. Sot një roje televizioni, para pak ditësh një pastruese lokali. Viktimat e krimeve nuk janë të largët e të panjohur, ata janë njerëzit tanë, bashkëqytetarët tanë, shqiptarët tanë.

Bashkohem me pikëllimin dhe dhimbjen e familjarëve dhe gjithë shoqërisë sonë.

Epoka e krimit duhet të marrë fund, që të vijë epoka e shqiptarëve.

Dhe do të marrë fund, shumë shpejt!