Tirana mposht Kukësin me përmbysje

Tirana triumfoi ndaj Kukësit me përmbysje 3-2, në ndeshjen e vlefshme për javën e 22-të në Superiore.

Ndeshje e luftuar nga fillimi deri në fund, por ishte skuadra e Ahmatajt që fitoi 3 pikëshin. Salami zhbllokoi sfidën në minutën e 15-të, ndërsa 10 minuta më vonë, ishte Latifi, që vendosi baraspeshën, duke përfituar nga një pasiguri e portierit Tafas.

Dragoshi riktheu avantazhin për Kukësin në minutën e 39-të. Spektakli nuk mungoi as në pjesën e dytë, ku u shënuan edhe tre gola të tjerë.

Në minutën e 69-të, ishte Abazaj që barazoi shifrat duke shënuar pas një penalltie të akorduar me VAR.

Ishte përsëri VAR, që u bë protagonist në një tjetër penallti për Tiranën, që u shndërrua në gol nga Patrick në minutën e 89-të.

Me këtë fitore, Tirana mban vendin e tretë me 33 pikë, ndërsa Kukësi renditet i parafundit me 19 pikë.