Tiranës nuk i mjafton humbja, portieri thyen këmbën

Lajme të këqija kanë ardhur nga infermieria e Tiranës pas eliminimit nga Beshiktashi, ku bëhet fjalë për portierin Gentian Selmani, i cili doli i dëmtuar nga fusha e lojës.

Siç bëhet me dije, gardiani bardheblu ka pasur thyer këmbën dhe pritet të mungojë për një kohë të gjatë.

 Ky lajm u konfirmua dhe më vonë nga trajneri Shehi në intervistën e tij pas ndeshjes.

Tirana i ka dhënë lamtumirën Europës edhe për këtë edicion, teksa është eliminuar nga Beshiktashi.

Tirana bëri presing në startin e sfidës dhe u mundua që të vinte në vështirësi miqtë, të cilët nuk sulmuan ashtu si në ndeshjen e parë. Edhe pse më vonë ata patën kontrollin e lojës, nuk kishin raste të pastra për shënim me Tiranën që dukej e në gjendje të përballonte ofensivën e tyre,.

Por në pjesën e dytë, me pavëmendjen e parë në prapavijë, Tirana u ndëshkua nga goli i Amartej pas një goditje këndi. Më pas, teksa kërkonte të shtynte përpara, u godit me një tjetër largim të gabuar nga mbrojtja, këtë herë me Abubakar i cili tundi rrjetën, në momentin kur bardheblutë ishin edhe ne epërsi numerike në fushë

Tentativat në fund nuk sollën një gol për Tiranën, që e mbyll kështu me humbjen 0-2 këtë ndeshje dhe i dha lamtumirën pjesëmarrjes në kompeticionet europiane.