Toni Kros: Humbëm gjithçka brenda një jave. Nuk është fundi i epokës

Toni Kros ka folur pas eliminimit nga Ajaxi. Gjermani është shprehur se njerëzit harrojnë shumë shpejt, duke justifikuar në një farë mënyre disfatën e mbrëmshme në “Santiago Bernabeu”.

Reali ka dalë zyrtarisht nga Kupa e Mbretit dhe Liga e Kampionëve, e njëjta gjë vlen edhe për kampionatin, ku diferenca me Barcelonën është teorikisht e parikuperueshme.

“Jemi një ekip i mirë dhe e kemi treguar në disa momente të sezonit, por jemi të sinqertë, jo vazhdimisht e bëjmë këtë. Është e vështirë ta pranosh, në një javë kemi humbur gjithçka, çdo mundësi për të fituar trofe. Për mua njerëzit harrojnë shumë shpejt çfarë ka ndodhur në të kaluarën, sepse nuk është e zakonshme që një skuadër të fitojë 3 Champions radhazi. Kjo nuk do të ndodhë më. Urime Ajaxit, ishte ekipi më i mirë”, deklaroi Toni Kros.

“Është koha të kërkojmë ndjesë. Kemi rënë më të vërtetë poshtë. Megjithatë, është shpejt të thuash se është fundi i një epoke. Do të rikthehemi përsëri sezonin e ardhshëm. Jemi Real Madridi dhe kemi detyrë t’i fitojmë të gjitha garat”, përfundoi mesfushori gjerman.