Turqia paralajmëron me luftë Greqinë

Turqia ka paralajmëruar Greqinë me veprime ushtarake, lidhur me pretendimet greke për ndryshim në kufirin detar.

Pak ditë më parë Nikos Kotzias, i cili tha dorëheqjen nga posti i Ministrit të Jashtëm do të deklaronte se Athina ka planifikuar të zgjerojë ujërat territoriale në detin Jon, por kjo nuk do të prekte rajonin e Egjeut.

Grekët duan të zgjerojnë ujërat e tyre territoriale deri në 12 milje në perëndim të vendit, por Turqia ka paralajmëruar se nuk do të përjashtonte një veprim ushtarak për të mbrojtur interesat e saj.

Ministria e Jashtme e Turqisë u shpreh se po merrte shënime nga delaratat e zyrtarëve grek, ndërsa pas largimit të Kotsias, deklarata të reja nga pala greke priten të vijnë.