Ushtria /Kosova e Serbia përplasen sonte në OKB

Formimi i ushtrisë së Kosovës e ka alarmuar shtetin e Serbisë, e aq rehat nuk ndihet as Rusia.

Pak pas formimit të ushtrisë, Serbia dhe Rusia reaguan ashpër, mirëpo shkuan edhe më tutje dhe kanë shtruar kërkesë për mbledhje urgjente të Këshillit të Sigurimit, raporton JOQ Kosova.

Kjo seancë e jashtëzakonshme e OKB do të mbahet sot në mbrëmje, e ku pritet të ketë debat të ashpër mes Kosovës dhe Serbisë.

Debati do të jetë i ashpër për arsye se në këtë mbledhje të Këshillit të Sigurimit, ata që do të përballen do të jenë vetë presidentët, Hashim Thaçi dhe Aleksandar Vuciq.

Sidoqoftë, ambasadorja e Kosovës në Amerikë, Vlora Çitaku, e ka vlerësuar si veprim të Serbisë për konsum të brendshëm.  .

Ndryshe, të premten, me votat e gjithë deputetëve në sallë, u votua shndërrimi i FSK-së në ushtri, e cila gjë acaroi Beogradin.