VIDEO/ ‘Fëmija i Spanjës’ pak shpresa që jeton

Prej 12 ditësh një fëmijë 2 vjeçar ka rënë në një pus në Malaga të Spanjës, dhe akoma nuk dihet fati i tij, teksa po punohet për gjetjen.

Lajmi i fundit që vjen nga Spanja është që grupi i shpëtimit ka bërë edhe shpërthimin i cili mendohet që të jetë i fundit, përpara se minatorët të arrijnë tek ai.

Julen ka shumë pak gjasa që mund të jetë gjallë, dhe vetëm një mrekulli mund ta shpëtojë.

Skuadra e minatorëve të dërguar në nëntokë për të shpëtuar dyvjeçarin, Julen po lufton me kohën ndërkohë që gërmohen edhe centimetrat e fundit.

Sipas raportimeve të mediave lokale, mund të duhen edhe dy orë të tjera derisa skuadra e shpëtimit të arrijë në vendin ku besohet se ndodhet i vogli.

Kërkimet janë vështirësuar më shumë pasi minatorët kanë hasur në një shtresë shkëmbi.

Një zëdhënës i Guardia Civil, Jorge Martinnjoftoi se specialistët po përdorin shpërthime të llogaritura me preçizion për centimetrat e fundit të mbetura në mënyrë që të mos shkaktojnë më shumë dëm nga ç’është bërë.

Minatorët e angazhuar për shpëtimin e fëmijës kanë më shumë se 24 orë që gërmojnë duke përdorur kazma dhe shpërthime të vogla për të gërmuar shkëmbin e fortë.

Julen Rosello Jimenez u rrëzua në pusin e ngushtë më 13 shtator dhe që prej atëherë nuk janë marrë më shenja jete prej tij.