VIDEO/Pamjet, ky është momenti tragjik kur shpërtheu diga në Brazil

Një video që ka filmuar ekzaktësisht momentin e shpërthimit të digës në Brazil është publikuar mbrëmjen e së premtes.

Ngjarja e rëndë ndodhi në 25 janar dhe ka marrë jetën e 65 personave ndërsa 275 të tjerë rezultojnë ende të humbur.

Diga, e cila përdorej për të mbajtur mbetjet që dilnin nga miniera e hekurit, Feijão, është në pronësi të kompanisë më të madhe të minierave në Brazil, Vale.

Banorët që u goditën nga balta masive u larguan nga shtëpitë e tyre që ndodheshin në zonat e ulëta. Ndërtesat në afërsi të digës dhe disa pjesë të qytetit të afërt të Brumadinho-s u varrosën nga lluca.

Rajoni se ka marrë akoma veten nga shpërthimi i një dige akoma më të madhe në vitin 2015, e cila u mori jetën 19 personave.