Video/ Ukrainë lindin ‘foshnjat e para të luftës’

Ndërsa pushtimi i plotë i Ukrainës nga Rusia po i afrohet 10 muajve, po lindin të ashtuquajturat ‘foshnjat e para të luftës’.

Por për këta prindër, shtatzënitë shoqërohen shpesh me shumë stres pasi Moska kryente rregullisht sulme në spitalet e vendit.

Foshnja Sofia është vetëm një javë, nëna e saj Inna shkoi nga Odesa në Lviv për të lindur. “I sugjerova që të shkonte jashtë vendit, por ajo nuk donte”, tha babai i Sofias, Dmytro.

“Jo, ne pritëm këtu për ty. Përndryshe, si mund ta shihjei fëmijën tënd të porsalindur? Vendosëm të shkonim në Lviv, ku kishte më pak mundësi për bombardim”, tha Inna

“E gjithë shtatzënia ime ishte shumë stresuese. Për tre muajt e parë, burri im nuk u lejua të largohej nga fronti për të më vizituar. Isha shumë e pasigurt”, shpjegoi ajo.

Ndërsa Inna ndjehet e lehtësuar që mundi të lindë në spital, të tjerat nuk kanë qenë aq me fat.

Sipas Fondit të Popullsisë të OKB-së, shumë gra nuk kanë pasur zgjidhje tjetër veçse të lindin në bodrume dhe strehimore me bomba.

Megjithatë, ky çift ka frikë nga e ardhmja. Dmytro, një ushtar ukrainas, iu dha leja të ishte me gruan e tij gjatë lindjes së saj, por do të kthehet përsëri në front javën e ardhshme.