Këngëtarja shumë e dashur për publikun Xhensila Myrtezaj mbrëmjen e djeshme duhej të performonte në Ferizaj, por e ka anulluar koncertin duke i lënë fansat të habitur. Në postimin e fundit në “Instagram” Xhensila tregon edhe arsyen pse nuk mundi të ishte prezent.
Këngëtarja shkruan se për shkak të gjendjes shëndetësore ishte e pamundur për të që të performonte dhe u kërkon ndjesë të gjithëve.
“Për shkak të gjendjes shëndetësore e kisha të pamundur të vija dhe të performoja sonte në Ferizaj. Ju kërkoj sinqerisht ndjesë, por shëndetin nuk e kemi plotësisht në dorën tonë, megjithëse bëra ç’mos, ishte e pamundur. Shihemi në organizimin e ardhshëm. Ndjesë edhe një herë”, shkruan Xhensila./CityNews
