Zgjedhjet në Turqi/ Erdogan voton i shoqëruar nga bashkëshortja

Presidenti turk Erdogan i është drejtuar qendrës së votimit së bashku me bashkëshorten e tij Emine.

Erdogan ka votuar në Stamboll, pas rivalit të tij, Kemal K?l?çdaro?lu, i cili votoi pak minuta më pare.

Me të mbërritur, presidenti i Turqisë ka përshëndetur mbështetësit e tij të mbledhur në zone. Ai dhe gruaja e tij kanë nxituar të bëjnë foto me fëmijët e vegjël që ndodheshin në zonë.

Pas votimit, presidenti Erdogan shprehu bindjen se rezultati i këtyre zgjedhjeve do të jetë “i mirë për të ardhmen e shtetit”, por nuk u deklarua nëse mendon se do të fitojë.

“Do Zoti që pas numërimit të votave mbrëmjen e sotme, rezultati të jetë i mirë për të ardhmen e shtetit tonë, për demokracinë turke”, tha ai.

Ndërkaq, Kilicdarogu u zotua se do të rivendosë demokracinë.

“Të gjithëve na kishte munguar demokracia”, tha ai për gazetarët. “Do ta shihni, do Zoti, pranvera do të vijë për këtë shtet”, shtoi Kilicdaroglu