Zhvillimet tragjike të orëve të fundit në Izrael dhe në Gaza

Tani është ora 8:00 në Izrael dhe Gaza dhe BBC ka mbuluar pasojat e një shpërthimi në një spital të Gazës ku qindra njerëz ishin strehuar dhe po kuroheshin për plagët e tyre.

Zhvillimet më të fundit:

– Qindra njerëz dyshohet se kanë vdekur pasi një shpërthim tronditi spitalin Al Ahli në qytetin e Gazës. Hamasi tha se ushtria izraelite ishte përgjegjëse për sulmin. Izraeli nga ana e tij ka fajësuar Xhihadin Islamik Palestinez, një grup i armatosur me bazë në Gaza

– Protestat kanë shpërthyer në të gjithë Bregun Perëndimor të pushtuar dhe në qytetet kryesore në mbarë botën dhe shumë liderë botërorë e kanë dënuar shpërthimin, me disa që bëjnë thirrje për një armëpushim.

– Presidenti amerikan Joe Biden pritet të zbarkojë në Izrael pas pak orësh, por një samit i planifikuar në Jordani me liderët arabë është anuluar pas bombardimit në spital. Biden do të duhet të balancojë mbështetjen e tij për Izraelin dhe shqetësimet për koston humanitare të luftimeve gjatë vizitës së tij të jashtëzakonshme në zonën e luftës

– Ndërsa kriza humanitare vazhdon të thellohet në Gaza, SHBA-ja ka thënë se “po i afrohet një kuadri për ndihma për t’i futur në Gaza nga Egjipti”. Kalimi i pikës kufitare të Rafahut në kufirin e Gazës me Egjiptin – e vetmja hyrje në Gaza që nuk kontrollohet nga Izraeli – mbetet e mbyllur.

– Reuters po raporton se Këshilli i Sigurimit i OKB-së do të votojë të mërkurën mbi një rezolutë të hartuar nga Brazili që bën thirrje për “pauza humanitare” në konflikt për të lejuar hyrjen e ndihmës në Rripin e Gazës.