19 nga 42 deputetë të PD-së zgjedhin kreun e grupit/ PD e vulës do të drejtohet nga Gazment Bardhi

Pas dorëheqjes së Enkelejd Alibeajt nga kreu i komanduar i PD-së, deputetët kanë zgjedhur Gazment Bardhin si kreun e ri të grupit parlamentar të PD-së.

Nga 42 deputetë të Partisë Demokratike vetëm 19 prej tyre kanë zgjedhur kreun e ri të grupit.

Grupi i Partisë Demokratike është katandisur në 33 deputetë pas përjashtimeve që kanë bërë Alibeaj dhe Bardhi nga radhët e PD.

Si rrjedhojë kryetari i r i i grupit parlamentar është zgjedhur nga vetëm 19 deputetë.

Tashmë PD e vulës tashmë do të drejtohet nga Gazment Bardhi. Bardhi është vegla e fundit e Lulzim Bashës në shërbim të përçarjes së PD-së.

Mësohet se deputetët që kanë votuar pro zgjedhjes së Gazment Bardhit si kryetar i ri i grupit të PD-së janë: Jorida Tabaku; Orjola Pampuri; Arbi Agalliu; Dhurata Çupi; Kreshnik Çollaku; Saimir Korreshi; Lulzim Basha; Dashnor Sula; Gazment Bardhi; Lefter Geshtenja; Zheni Gjergji; Qani Xhafa; Helidon Bushati; Orjela Nebiaj; Ramadan Likaj; Xhelal Mziut; Flamur Hoxha; Eralda Bano dhe Bledion Nallbati.

Pas zgjedhjes së Bardhit reagoi edhe ish kryeministri Sali Berisha i cili  u shpreh se nuk njeh asnjë strukturë paralele. 

“Nuk kam asnjë koment për këtë, përveç komentit që unë ftoj të gjithë deputetët e PD të bashkohen dhe të vazhdojmë betejën për zgjedhjet e lira. Ne nuk mund të njohim asnjë lloj strukture paralele të PD. Ne i ftojmë të gjithë deputetët të ulen, të diskutojnë. Ne jemi të hapur ndaj tyre, por ka rregulla, ka statute”, tha Berisha.