“Kontribuove në diktaturën e nënës pa burrë”, ish-ministri ironizon kryetarin e Kuvendit: O Gramoz…

Ish-ministri i drejtësisë, Ylli Manjani ka ironizuar qëndrimet e mbajtura nga kryeparlamentari Gramoz Ruçi në lidhje me zgjedhjet e 30 qershorit.

Pas deklaratës së kryetarit të Kuvendit se ‘s’ka burrë nëne që e vendos më diktaturën në Shqipëri, ish-ministri Manjani i ka kujtuar këtij të fundit se me zhvillimin e zgjedhjeve pa opozitën sapo kontribuoi në instalimin e kësaj diktature.

“Burrë nëne s’ka o Gramoz, por sapo kontribuove në… vendosjen e diktaturës. Diktaturës së nënës pa burrë…”, shkruan me ironi Manjani.

Ish-ministri i Drejtësisë është shprehur vazhdimisht kundër procesit të zgjedhjeve në 30 qershor, duke kujtuar se në një proces pa opozitën vendi po shkon drejt diktaturës.