Balluku paguan 6 milion lekë për allçinë e presidentit Bajram Begaj

Vlera prej 6 milionë lekë të vjetra për Begajn është e barasvlefshme me punën e një viti të një shqiptari me pagë mesatare.

Spitalet në Shqipëri ofrojnë shëndetësi falas sipas kryeministrit Rama dhe ministres Manastirliu. Vetëm Ministria e Shëndetësisë ka një fond prej afro 835 milionë euro, para të cilat dalin nga xhepat e shqiptarve.

Këto para shkojnë më së shumti për spitalet, barnat mjekësore, trajtimin e të sëmurëve dhe blerjen e pajisjeve mjekësore. Sikur mos të mjaftonin këto para, u është dhënë edhe disa kompanive private miliona euro për shërbimin Check-up, Dializën, Sterilizimin apo edhe laboratorët e analizave.

Por me gjithë këto para të dala nga xhepat e shqiptarve, a është kuruar presidenti Begaj në spitalet e vendit? Mesa duket jo.

Nëse kjo do të ndodhte kështu, kurimi i tij do të ishte falas dhe do të shmangej shpërblimi i majmë financiar nga paratë e taksapaguesve shqiptarë. Me një pagë që shkon në në rreth 2.6 milionë lekë bruto në muaj, Begaj ka nevojë edhe për më shumë para nga shqiptarët.