Lubonja: Misioni i Bashës dhe Alibeaj ishte të punonin për një projekt me regji të Ramës

Analisti Fatos Lubonja është shprehur se misioni i Lulzim Bashës dhe Enkelejd Alibeajt ishte të punonin për një projekt me regji të Edi Ramës.

Komentet Lubonja i bëri në një intervistë në News24, ku foli për zgjedhjet lokale të 14 majit.

Lubonja tha se sot drejtësia është kapur totalisht nga kryeministri Edi Rama, duke shtuar se me të gjitha skandalet që janë raportuar, nuk është hapur asnjë hetim nga ana e Prokurorisë.

‘Misioni i Alibeajt ka nisur me Lulzim Bashën. Misioni i tyre ishte të punonin për atë projekt që kishte regjinë e Edi Ramës. Këtu ka pabarazi të jashtëzakonshme dhe punohet për një grusht oligarkësh. Po bën politika të majta Sali Berisha këtu tek ne. 

Tani një reformë në drejtësi pas kaq vitesh nuk mund të mos jetë një tregues. Sot drejtësia është kapur vetë nga Rama dhe me gjithë këto skandale që po ndodhin,  Prokuroria nuk hap këtu asnjë hetim’, tha Lubonja.

Gjithashtu analisti Lubonja u ndal edhe tek koalicioni ‘Bashkë Fitojmë’, për të cilin tha se nëse në Shqipëri do të kishte zgjedhje të lira dhe të ndershme, atëherë rezultatet do të ishin ndryshe dhe më pozitive.

Si e shihni koalicionin ‘Bashkë Fitojmë’?

Lubonja: Bashkimi i tyre është pozitiv dhe nëse do të kemi parasysh situatën, duhet të kishte një bashkim më të madh. Këta kanë një platformë që kanë ngritur mungesën e ndjeshmërisë. Por rezultati mbetet për t’u parë. 

Nëse do të kishte zgjedhjet të lira dhe të pablera mund të kishim një rezultat tjetër sepse ka një pakënaqësi më të madhe. Makina është duke ecur në humnerë dhe duhet të frenohet, nuk ka rëndësi se kush shofer e merr, por rëndësia është që të frenohet. 

Por problemi tjetër është se shqiptarët nuk kanë ndjeshmëri shumë të madhe, por vetëm mendojnë çështjen e parave. Shqiptarët nuk kanë siguri në punë, sepse kur ke pasiguri edhe për muajin tjetër thonë po rri këtu më mirë.

Edi Rama duke u shprehur se ka treguar vetëm arrogancë me qeverisjen e tij dhe se mendon vetëm të grabisë qytetarët shqiptarë.

Lubonja ka komentuar edhe shumën që duhet të paguajë qeveria shqiptare për çështjen Becchetti, duke u ndalur edhe tek deklaratat e kryeministrit Edi Rama se do të dalë nga Arbitrazhi.

“Ne shpesh e përdorim 100 mln, dhe që do t’i paguajnë taksapaguesit shqiptar, por paratë nuk janë çështja kryesore. Por thelbi qëndron tek arroganca, gjithë-pushtetshmëria, mungesa e respektit për çdo ligj, që tregon ku pushtet dhe në mënyrë të veçantë Rama. Kjo është gjëja më e frikshme. Është gati e pamundur të prishësh rregullat dhe të hysh në listën e shteteve që i konsiderojmë partner. Një gjykata në Amerikë e ka dënuar Ramën, dhe jo një gjykatë e Berishës apo Metës.