Sako del humbese nga sondazhet e PS në Durrës! Burri i kryebashkiakes merr leje ndërtimi për pallate nga gruaja

Kryetarja e Bashkisë së Durrësit, Emiriana Sako, ka një plan të fshehtë për ta zbatuar, nëse do të fitojë në 14maj.

Plani konsiston në interesat e bashkëshortit të saj në ndërtim.

Bashkëshorti i zonjës Sako, Landi Shahini, është pronar i disa kompanive ndërtimi në letra, ndonëse çuditërisht punon në një servis makinash, tek servisi i Indrit Lamës, i cili mund të jetë edhe një mbulesë e vetë Landit.

Shahini ka piketuar një sipërfaqe toke pas Bashkisë së Durrësit që drejton e shoqja, për të ndërtuar pallate. Sipas burimeve, çdo gjë është kopsitur, vetëm pritet leja e ndërtimit nga bashkëshortja kryebashkiake.

Shahini është pronar i katër kompanive që i falimenton, i nxjerrë në ankand, i blen vetë, i shet vetes asete etj., një lëshm manovrash, ndërsa bashkë me zonjën Sako, deklaron 5 apartamente dhe disa makina luksoze me burim të dyshimtë.

Lejet e ndërtimit janë shtyrë pas zgjedhjeve, pasi nëse do jepet para zgjedhjeve, skandali mund të merrte përmasa të mëdha dhe të ndikojë në rezultat.

Sondazhet e nxjerrin Sakon humbëse të thellë. Edi Rama është i shqetësuar nga situata në Durrës.

Rama është angazhuar specifikisht në Durrës. Kryeministri jo rastësisht ftoi Sakon në “Podcast”-in e tretë.

Gjithashtu Rama ka bërë një spot poçasërisht në mbështetje të Sakos.

Nëse Rama humbet Durrësin, vihet në dyshim edhe investimi arab 2.1 miliardë euro.