Muza e re e Valentino Rossit

Ai është 38 vjeç dhe njihet si një nga pilotët më “të çmendur” e më të suksesshëm të gjitha kohërave në garat me motorë. Ai ka siguruar në karrierën e tij 9 tituj kampion bote, 7 prej të cilave në klasin e “mbretërorëve” Moto GP.

Ai ka qenë shpesh në faqet e para të kronikave rozë, jo për ndonjë skandal, por për femrat simpatike që e kanë shoqëruar ndër vite.

Emrat janë të shumtë, nga Aura Rolenzetti, Eleonora Pedron, Elisabetta Canalis, Linda Morselli, Maddalena Corvaglia, Mandala Tayde, e deri te Martina Stella. Por këto janë vetëm emrat e së shkuarës që ai ka lënë pas.

Tashmë duket se në krahët e tij është hedhur një tjetër modele, që jo rastësisht e njeh mirë sportin e garave të motoçiklizmit. Ajo ka qenë një nga vajzat me çadra, që shoqëronin pilotët teksa zbrisnin në pistë, përpara nisjes së garave, e cila quhet Francesca Sofia Novello.