Manjani në krah të artistëve: Ligji është fashist, pushtuesi na bëri me Teatër, qeveria na i prish

Ylli Manjani ka qenë figura e radhës që është bashkuar me artistë që janë kundër projektit të ri për Teatrin Kombëtar.

Manjani tha se ligji i ri që po bëhet  për të shembur Teatrin është antikushtetues.

Pjesë nga deklarata e Manjanit

Shoqëria shqiptarë është borxhli ndaj aktorëve, pasi kanë rezistuar me 5 muaj me radhe dhe po vazhdon ta bëj. Kjo mbrojte nuk është detyrë e aktorëve, por është detyrë e qytetarisë shqiptare për të mbrojtur këtë Teatër.

Ky është një ligj fashist, kushdo që përmend terren kushtetues për këtë ligj është diktator.

Është njësoj si ligjet e Erdoganit, që vendos disa emra dhe thotë pushkatoje.

Këta po sillen sikur janë me Kushtetutën e sunduesit. Pushtuesi na bëri me Teatër, ndërsa qeveria po e prish këtë Teatër. Ne sot kemi më shumë respekt për pushtuesin.

Aktorët nuk janë të ndarë, ndarje ka ndërmjet pushtetarëve. Unë kam një ftesë, për të paktën dhe për secilin shqiptar, duhet të jetë prezent këtu. Është detyrë e qytetarëve shqiptarë, për të mbrojtur teatrin dhe demokracinë. Kush i pëlqen barbaria e ndërtimeve, duhet të rreshtohet me kullaxhinjtë.