Manjani: Rama sa herë zihet ngushtë, servir gjellë mediatike me “bashkeqeverisje”

Ish-Ministri i Drejtësisë Ylli Manjani ka reaguar ndaj zërave që flasin për një bashkëqeverisje mes PS dhe një pjese të opozitës.

Në reagimin e tij Manjani i konsideron këto ide të hedhura nga qeveria me qëllim që të mbillet vazhdimisht fara e përçarjes opozitare.

Ja reagimi i plotë i Ylli Manjanit

“Përça e sundo!
————-
Gjella mediatike që po ofrohet këtë verë për t’u ngrënë është:
Qeveria me bazë të gjerë.

Dmth pyetja është a do ketë qeveri PS-PD, apo PS -LSI?!

Kjo është një supë e ndenjur tashmë, që serviret vazhdimisht, sa herë që shpërthen një pesimizëm masiv.

Sa herë që qeverisë i shpërthejnë skandale dhe askush nuk e di se si ajo bie, lindin teoritë e “konsensusit të madh”.

Mediat flasin për bashkëqeverisje me një pjesë të opozitës, si për inat të pjesës tjetër! Sajohen takime dhe biseda, ose vendosen ngjarje të së shkuarës në kontekstin e një konspiracioni, për ta bërë sa më të besueshme përrallën aktuale.

Në fund fare arrihet një gjë: mbillet vazhdimisht fara e përçarjes opozitare!

Fiks siç i intereson qeverisë.

Gjumë të ëmbël dhe pushime të mbara!

Qeveria le ta shesë jo vetëm detin, por edhe tokën! Teatrin dhe pronë publike po e po.

Vetëm pushtetin jo!

Sundim të mbarë….”