Artan Hoxha: Ku ndryshon Tahiri nga Xhafaj

Artan Hoxha vijon të tregojë detaje dhe fakte interesante nga jeta e përditshme e këtij vendi, ndërsa deri më tani ka qenë gazetari që ka treguar guxim në zbulimin e “sekreteve” që askush nuk i flet hapur.

I ftuar në emisionin “Provokacija”, Hoxha është shprehur në lidhje me kërcënimet që merr herë pas here. Ai tregoi se nëse nuk merr kërcënime, do të thotë se nuk ka bërë gjë të mirë në lidhje me punën e tij.

Gazetari është pyetur nga Mustafa Nano, edhe se ku ndryshon policia e Fatmir Xhafajt nga ajo e Samir Tahirit.

Me qetësi, Hoxha deklaroi:

Policia e Xhafajt është kapur në një moment, kur është duke u bërë Vettingu, policët nuk janë të sigurt për vendin e punës. Janë të varur nga prokuroria, e cila është e shpartalluar. Xhafaj ka përdorur taktikë tjetër nga Tahiri. Xhafaj ka policë më pak të aftë dhe të pakorruptuar , kurse Tahiri kishte policë të aftë, por të korruptuar”.