A do ta japë dorëheqjen NURIHANI si Rrahmani?

Naim Noka

Edi Rama ka rastin të pastrojë të paktën ndërgjegjen e tij në raport me viktimën e ndjerë që u shua nga grushtat e djalit sekser të Nurihanit të drejtësisë. Një sms e kryeministrit dhe Nurihani të japë dorëheqjen ashtu siç i dha urdhër Rrahman Rrajës pas dhunës shtazarke të djalit, vellezërve dhe fisit të deputetit ndaj dy qytetarëve. Do thoni ju po çfarë lidhje ka Nurihani i drejtësisë me kreyministrin?! Po dha urdhër komandanti, urdhëri zbatohet pastaj ndoshta mund të diskutohet! Për të kuptuar lidhjen nuk duhet as të kujtojmë zgjedhjen e Altin Dumanit në krye të SPAK dhe votën kundra sipas bindjes të anëtares së Këshillit të Lartë të Prokurorisë, Nurihan Seiti (Meta).

Rrahman Rraja, e la mandatin dhe pse nuk kishte goditur me shkop vetë personalisht por të gjithë e dinin se nga Rramani deputet dhe mik i Ramës buronte fuqia e harbutërisë së fisit të tij.

Pushteti politik i Rrahmanit nuk dihet akoma në ka fuqi akoma sepse do të presim zgjedhjet e radhës për të verifikuar sa vota do të mbledhin Rrajat në hambarin e partisë që i shndërroi familjarët dhe fisin e tij në gango të zonës së Fushë Krujës.

Për sytë e opinionit publik dorëheqja e imponuar Rrahmanit vendosi një standart që në keto vite ka munguar.

Kur ne flasim për dorëheqje të Rramanit pse të mos e japë dhe një zyrtare e lartë në sistemit të drejtësisë dorēheqjen?

Rei Meta, djali i anëtares së Këshillit të Lartë të Prokurorisë, Nurihan Seiti (Meta) goditi për vdekje në Vlorë inxhinjerin Armando Meshau. Rei përveç sekserit, zyrtarisht punonte edhe si Përgjegjës Grupi i Inspektorëve të Kontrollit Fizik në Drejtorinë e Përgjithshme të Doganave pra një nëpunës shteti, sekser shteti, u zgjidhte hallet biznesmenëve mes Vlorës dhe Tiranës

Babai i djalit, njëkohësisht burri i anëtares së KLP, është Hazis Meta,me profesion oficer kufiri, Shef Sektori Juridik në Kadastrën e Përgjithshme, i emëruar pas zgjedhjes së gruas në Këshillin e Lartë të Prokurorisë.

Motra e Rei Metës, Santeliana Meta, deri në momentin kur e ëma u emërua anëtare e Këshillit të Lartë të Prokurorisë, punonte në Ministrinë e Brendshme bashkë me xhaxhanë P. Meta, teksa nga 1 janari 2020 deri tani mban postin e Shefe Sektori në Prokurorinë e Tiranës.

Nurihani e KLP-së, njëlloj si Rrahmani nuk ka përgjegjësi të drejtëpërdrejtë ligjore në vdekjen e 51-vjeçari.

Po Nurihani nuk paska pak përgjegjësi “morale”, për Rein ? Pa Nurihanin as Azisi nuk do shkonte në Kadastër, as Sentiliana nuk do të bëhej Shefe Sektori në Prokurorinë e Tiranës . Pa fuqinë e Nurihanit lart në Tiranë, nuk ja vërshëllente njeri në institucionet Reit për të bërë “sekserin” dhe për të përfituar para dhe prona.

Anetarja e Këshillit të Lartë të Prokurorisë, Nurihan Meta (Seiti) ka të paktën një përgjegjësi morale, si nënë dhe për të barazuar standartin e Drejtësisë së Re , sa standarti i Rraman Rrajës sepse në fund djali i Nurihanit u pa live të masakronte për vdekje një njeri. Ndaj është në nderin e zotit kryeministër që të ‘urdhërojë‘ me sms dorëheqjen e Nurihanit sepse nuk është e vështirë të gjejmë ‘nurihanëre” për drejtësinë, i kemi me shumicë duke pritur në radhë. Ndaj dhe uroj që zonja e drejtësisë të paktën të jetë qytetare si Rraman Rraja.