Basha flet prerë: 13 tetori, e vetmja datë kushtetuese e zgjedhjeve

“Nuk ka asnjë përçarje në gjirin e opozitës”. Keshtu ka deklaruar sot kreu i PD-se, Lulzim Basha, duke theksuar se qendimi i opozites eshte i qarte, nderkohe qe veprimet jane bere ne konsultim dhe koordinim te plote.  

Sipas Bashes, 13 tetori është e vetmja datë kushtetuese e zgjedhjeve në Shqipëri.

Ja deklarata e Bashes 

KQZ dhe të gjitha institucionet e tjera duhet të zbatonin dekretin e presidentit. Moszbatimi i ngarkon ato me përgjegjësi ligjore dhe penale. Të gjithë do të vihen përballë përgjegjësisë ligjore dhe penale. Zgjidhja mund të vonojë, por nuk do të mungojë momenti, kur ata do të vihen përpara përgjegjësisë ligjore dhe penale.

Por duhet të dallojmë të drejtën e partive politike për të mbajtur qendrimet e tyre politike në raport me cdo process, dhe shtetin e së drejtës, detyrimet kushtetuese dhe ligjore të KQZ dhe institucioneve të tjera.

Vendimet partiake për të hyrë apo jo në zgjedhje janë vendime partiake. Vendimet për të hyrë apo jo nuk shkelin as kushtetutën e as ligjin, pavarësisht prej ndikimeve që ai mund të ketë. Kur institucionet kushteutese shkelin kushtetutën dhe ligjin, ata duhet të mbajnë përgjegjësi.
Vendimi i opozitës për të mos hyrë në zgjedhjet e 30 qershorit ishte një vendim unanim.

Disa parti kanë bërë kërkesë për t’u regjistruar në zgjedhje, në mënyrë që të detyronin KQZ të mos marrë qendrime antikushtetuese e antiligjore.

Presidenti po përpiqet në mënyrë altive në zgjidhjen e krizës. Thelbi i qendrimit të presidentit është i njëjtë me qendrimin e Partisë Demokratike dhe aleatëve tanë, që ne kërkojmë të vijmë në pushtet me zgjedhje. Qendrimi ynë ndaj zgjedhjeve të organizuara nga Edi Rama ka qenë I qartë, transparent, I argumentuar dhe tashmë i faktuar.”