Aksidentohet në Rrugën e Kombit makina me targa serbe

Raportojmë se një aksident i rëndë ka ndodhur në orët e para të mëngjesit të sotëm në Rrugën e Kombit, në fshatin Gziq. Një makinë me targa serbe ka dalë nga rruga dhe është përplasur me trafik ndarësen. Pesë anëtarë të një familje janë lënduar, përfshirë 3 fëmijë dhe çiftin e bashkëshortëve. Të lënduarit janë dërguar në spitalin e Rrëshenit, ndërsa gruaja ndodhet në gjendje të rëndë për jetën. Policia ndodhet në vendin e ngjarjes dhe paraprakisht dyshohet se shpejtësia dhe lagështia në rrugë kanë shkaktuar humbjen e kontrollit të automjetit.