Aktori i famshëm baba për herë të dytë: “Tashmë ‘bossi’ i shtëpisë do të jetë vajza e madhe!”

Viti 2018 do të vijë me lajme të mira për çiftin e njohur nga Hollywood-i, Dwayne “The Rock” Johnson dhe partneren e tij, Lauren Hashian.

Të dy kanë lajmëruar se janë në pritje të një fëmije të dytë pas vajzës së parë, Jasmine.

Në një postim në Instagram, aktori i mirënjohur ka treguar Jasminen e vogël dhe një letër ku shkruhet: “Është një vajzë! Mezi pres të bëhem motër e madhe… dhe më në fund të jem ‘bossi’.!”.

Ndërkohë që në përshkrimin e këtij postimi, The Rock shkruan: “Jasmina jonë e vogël dëshiron të japë lajmin e mirë – Jemi në pritje të një vajze! Ne jemi pafund mirënjohës dhe të lumtur për bekimin që do na sjellë pranvera. Plus Jazzy është e lumtur të jetë bossi i familjes!”