Albi Nako :Vajzat shqiptare, “Të vlerësojnë nga marka e Xhipit dhe togëza e rripit”

Materializmi është një fenomen gjithmonë e në rritje, ku shumë njerëz përfundojnë duke u fiksuar pas gjërave të shtrenjta. Në ditët e sotme njerëzit po gjykohen nga ato që kanë dhe jo nga ajo që ata janë në të vërtetë.

Duket sikur çdo gjë po vlerësohet e po matet vetëm me vlerën e parasë. Edhe Albi Nako ka reaguar nëpërmjet një postimi në “Insta Story”, ku shprehet se vajzat shqiptare të vlerësojnë nga marka e makinës apo nga veshjet e shtrenjta.

Albi shkruan se koha e shpenzuar për të lexuar është zëvendësuar me kohën për t’u stërvitur.

Postimi i plotë:

Nëpër vendbanimet tona nuk ka libra dhe biblioteka, por në çdo lagje ka një palestër për mirëmbajtjen e trupit, sepse te ne nuk është e turpshme të jesh ‘trutrashë’, por ‘truptrashë’: Vashat tonë nuk vlerësojnë djalin nëpërmjet asaj që ka në kokë e shpirt, por për nga marka e ‘Xhipit’ (Jeep) dhe nga tokëza e rripit.”

Pavarësisht kësaj edhe Albi duket se është i pasionuar pas veshjeve të markave të njohura apo pas makinave luksoze.