Analistët: Opozita pa alternativë, qytetarët mund të zgjedhin “me hundë të mbyllura” socialistët

Analisti Lorenc Vangjeli ka kritikuar opozitën për përdorimin e alibisë së manipulimit zgjedhor për të mbuluar pafuqinë e saj për të fituar. Sipas tij, mungesa e një alternative e bën qytetarin të zgjedhë “me hundë të mbyllura” socialistët, ndërsa opozita nuk ofron zgjidhje.

Gazetari Arjon Sulo, nga ana tjetër, deklaroi se edhe lirimi i Berishës nga ‘arresti shtëpiak’ nuk do të ndikojë në rezultatin e zgjedhjeve të 2025-ës. Ai shtoi se “as Trump, Jezusi apo Profeti Muhamed nuk mund ta rrëzojnë Edi Ramën”, duke theksuar se akuzat ndaj Berishës mbeten një pengesë për opozitën.

Të dy analistët theksuan se opozita duhet të shikojë brenda vetes për të ndërtuar një alternativë të besueshme për qytetarët.