Artan Fuga: Gjithë qeveria duhet të ishte atje, të merreshin masa urgjente

Akademiku Artan Fuga ka reaguar përmes një komenti në rrjetet sociale lidhur me helmimin nga uji të qindra qytetarëve në Krujë. 

Akademiku thotë se gjithë qeveria duhet të ishte në Krujë sot, dhe duhet të ishin marrë masa urgjente pasi kemi helmim masiv të popullsisë, ndoshta edhe me dashje.

“Unë pres që prokuroria të akuzojë ujësjellësin për helmim masiv të popullsisë!”, vijon akademiku. Fuga ka kritika edhe për deputetët e opozitës, por edhe për median, lidhur me mënyrën si i janë përgjigjur ngjarjes.

KOMENTI I FUGËS

Kush e helmoi popullin e Krujës?

Cfarë bëhet? Njoftohet se 500 të shtruar në spital me helmim në Krujë.

Dhe media nuk çon gazetarë të investigojë dhe të raportojë nga Kruja. A thua se duhet të shkojë në Kazakistan. Krujë, o Krujë është, një vrap pele larg nga kali i Skënderbeut në Tiranë.

Të na raportojnë live nga terreni, familje më familje, nga spitali, nga ujësjellësi. Kush u helmua, me çfarë kurohen, si është gjendja në spital, cilat lagje janë prekur? Raportojnë nga studiot hypur në majë tavolinash!

Në vend të kësaj merren gjithë ditën se çfarë i tha kryetari i komisionit drejtoreshës së administratës të Kuvendit!

Dila jashtë!

Nuk dal!

Mos dill

Do dal!

Po turp mo nuk kemi!

Gjithë qeveria duhet të ishte në Krujë sot! Kërkim ndjese dhe marrje masash urgjente. Kemi helmim masiv të popullsisë. Ndofta edhe me dashje!

Ujësjellësi i Krujës jep njoftime, athua se është në retë e Salisalltikut, kur duhet të ishte vendosur para akuzës! Menjëherë. A e kontrollojnë cilësinë e ujit cdo orë, apo varja? Krutanë hesapi, le të helmohen! Turp!

Unë pres që prokuroria të akuzojë ujëssjellësin për helmim masiv të popullsisë!

Cfarë faktesh pret të mbledhi? Faktet janë brenda në spital!

Mire çeveria asht n’gjum or tej, po deputetët e opozitës ç’më rrinë në kolltuqe të ngrohtë në vend të zaptojnë bashkinë e Krujës dhe ujësjellësin për ta tundur atë vend!

Hajde opozitë, hajde!

Apo merren me kalin e ngordhur të zgjedhjeve të 25 prillit të njohura nga partnerët ndërkombëtarë! Paskan bërë zbulimin e madh se zgjedhje qenkan të parregullta meqë nuk votuan emigrantët! Cfarë komedie!

Helmim masiv !