Astrit Patozi, mesazh therës Bashës: Çoje PD-në tek check up-i Ramës, i dashur Lulzim!

Ish-deputeti i PD, Astrit Patozi, i është drejtuar me një mesazh therës, Kryetarit të PD, Lulzim Bashës, sot në rrjetet sociale.

“I dashur Lulzim, – shkruan Patozi.- Ka vetëm një mënyrë për të dalë me sukses kjo analiza, që ke shpallur se po bëhet në Partinë Demokratike, pas fitoreve të njëpasnjëshme në zgjedhje. Jepja më mirë ta bëjë Vilma Nushi, e cila ka marrë konçensionin e “check up-it”.

E para, ta bën shpejt, e dyta, ta bën falas, e treta, ta nxjerr si ta duash vetë, por më kryesorja është se ta njeh edhe qeveria,” përfundon qendrimin e tij ironik, ish-deputeti, kundërshtar i fortë i Bashës në PD.