Austri/ 5 viktima nga të shtënat me armë zjarri në një shkollë

Të paktën pesë persona u vranë në një sulm me armë zjarri ndaj një shkolle në qytetin austriak të Gracit, raportuan të hënën mediat austriake, përfshirë tabloidin Kronen Zeitung, ndërsa transmetuesi kombëtar ORF tha se autori dyshohet është një nxënës i shkollës, i cili pas ngjarjes kreu vetëvrasje. Nuk dihen ende rrethanat e ngjarjes, ndërkohë që forcat të shumta policie kanë rrethuar zonën. Mësohet se nga sulmi kanë mbetur të plagosur gjithashtu disa nxënës dhe mësues.