Autori sekser i vrasjes në Vlorë, babai në Kadastër, e ëma në KLP, motra dhe xhaxhai në prokurori

Rei Meta, pas një konflikti për një borxh për një apartament la të vdekur ndërtuesin 55-vjeçar, Armando Meshau.

Rei përveç sekserit, zyrtarisht punonte edhe si Përgjegjës Grupi i Inspektorëve të Kontrollit Fizik në Drejtorinë e Përgjithshme të Doganave.

Ndërkohë nëna e autorit të vrasjes është anëtare e KLP, Nurihan Meta.

Babai i djalit, njëkohësisht burri i anëtares së KLP, është Hazis Meta, me profesion oficer kufiri, Shef Sektori Juridik në Kadastrën e Përgjithshme, i emëruar pas zgjedhjes së gruas në Këshillin e Lartë të Prokurorisë.

Motra e Rei Metës, Santeliana Meta,

deri në momentin kur e ëma u emërua anëtare e Këshillit të Lartë të Prokurorisë, punonte në Ministrinë e Brendshme bashkë me xhaxhanë P. Meta, teksa nga 1 janari 2020 deri tani mban postin e Shefe Sektori në Prokurorinë e Tiranës.

Kjo ngjarje e rëndë, zbuloi e vërtetoi atë që është denoncuar shpesh: kapja dhe përdorimi i shtetit nga shefat e drejtësisë dhe familjarët e tyre, të cilët bëjnë si “të fortë”, të marrin pasuri me dhunë  e të vrasin.

Fakti i parë/ Sipas policisë e mediave, Rei Meta kishte 4-5 vite që bënte rolin sekserit të ndërtuesve, të njerëzve që kishin halle në zyrat e shtetit dhe ndërhyrje në organet e drejtësisë në Vlorë, Sarandë, Durrës e Tiranë, ku përdorte si lehtësi ndikimin e të ëmës anëtare e Këshillit të Lartë të Prokurorisë e të babait në Kadastër.

Pra, djali i drejtueses së lartë të pushtetit të prokurorisë, ka përdorur pushtetin e së ëmës dhe babait, për të ndikuar në akte zyrtare, kundrejt përfitimeve të paligjshme financiare e pasurore.

Fakti i dytë/ Kapja e pushtetit të drejtësisë e pushtetit administrativ nga kjo familje: Nurihan Meta është anëtare e Këshillit të Lartë të Prokurorisë.

– Bashkëshorti Hazis Meta, me profesion oficer kufiri është Shef Sektori Juridik në Kadastrën e Përgjithshme, i emëruar pas zgjedhjes së gruas në Këshillin e Lartë të Prokurorisë.

– Vajza Santeliana Meta, deri në momentin kur e ëma u emërua anëtare e Këshillit të Lartë të Prokurorisë, punonte në Ministrinë e Brendshme bashkë me xhaxhain P. Meta, ndërsa nga 1 janari 2020 e në vazhdim është Shefe Sektori në Prokurorinë e Tiranës.

– Djali Rei Meta, i arrestuar për vrasjen ndërtuesit në Vlorë, është Përgjegjës Grupi i Inspektorëve të Kontrollit Fizik në Drejtorinë e Përgjithshme të Doganave.

Nuk themi që këta të mos punësohen, por çuditërisht punësohen vetëm këta në sektorët kyç familjarisht e si fise të fortësh dhe me miliona të zeza, ndaj mendojnë se janë fuqia mbi tokë e kanë të drejtë të bëjnë gjithçka