Përmes një postimi në rrjetet sociale ai e ka quajtur Berishën një plak të rrjedhur, dhe e ka kërcënuar me rihapjen e dosjes së Azem Hajdarit, dhe me kthimin e Nuel Kalajt për çështjen CEZ.
Berisha u shpreh dje se brenda vetë PS-së ka disa klane, dhe Edi Rama po i ngul Xhafajt disa thika, duke përdorur dhe Taulant Ballën.
Reagimi i Ballës: Të dashur miq, më thonë që në një studio televizive ky karrikatura ka përfolur emrin tim apo të kolegëve të mi. Sikur një e njëmija e çfarë vjell përditë ky plak i rrjedhur të ishte e vërtetë, unë nuk do të qëndroja në detyrat që mbaj.
Por ky karrikatura është në hall të madh. Litari që e ka mbajtur në 28 vite këtë dordolec të varur në politikën shqiptare po këputet, për të rënë e për të mos u ngritur kurrë.
Makthi i tij për vete dhe familjarët e vet është shumë i madh. Nuk ka ilaç që i shëron.
Izet Haxhia erdhi dhe dosja duhet rihapur!
Nuel Kalaj do të vijë së shpejti dhe do të flasë!
E mor Sali ku do biesh…
