Basha: Akt kriminal politik. E gjitha skenar i Ramës dhe Tom Doshit

Kreu i PD-së, Lulzim Basha ka reaguar pas shkarkimit të kreut të Bahskisë së Vaut të Dejës, Zef Hilës.

Në një deklaratë për mediat nga selia blu, Basha e konsideroi shkarkimin e Hilës si një akt kriminal, ndërsa shtoi se është në kundërshtim me Kushtetutën.

“Edi Rama ka shkarkuar sot Zef Hilën kryebashkiakun e Vaut të Dejës.

Është hakmarrje personale politike, kundër një përfaqësuesi të ligjshëm, të denjë të njerëzve.

Është vendim personal i Edi Ramës që përdor Këshillin e Ministrave si fasadë, dhe mercenarin Sandër Lleshi, një njeri i pa zgjedhur, i pa votuar, pa asnjë përfaqësim, për ta ndërsyer kundër njerëzve dhe opozitës.

Nuk ka asnjë motiv dhe nuk ka asnjë arsye për shkakrimin e tij. Zef Hila nuk ka qenë as fizikisht dhe në asnjë mënyrë tjetër i përfshirë në incidentin e djeshëm në Vaun e Dejës.

Shkarkimi është një akti kriminal i një autokrati të kriminalizuar që tani po përdor forcën e pushtetit vetëm për të mbrojtur bashkësundimin e tij me krimin”, tha Basha.