BASHA BËN THIRRJE : NGA SOT NIS AKTI I MOSBINDJES CIVILE
Kryedemokrati Lulzim Basha ka paralajmëruar nisjen e “mosbindjes civile” nga aksi Milot-Shkodër, ku ndodhet për më shumë se 30 minuta në krye të aksionit opozitar për bllokimin e rrugëve në vend.
“Nga sot nis akti i mosbindjes civile, që do të kurorëzohet me fitore”, tha Basha ndër të tjera.
“Të nisim sot aktin e mosbindjes civile. Ta kurorëzojmë me fitore. Njësoj si shumë shqiptarë, edhe vendi ynë ndodhet në një udhëkryq të rrezikshëm ku e ka sjellë njeriu më i korruptuar, njeriu më i paaftë që njeh historia e pluralizmit. Arroganti i cili me bandën e tij i vuri shkelmin institucioneve të demokracisë. Shumë prej jush kanë ardhur këtu për kauzën jetike për zgjedhje të lira sepse e dimë fare mirë që pa zgjedhje të lira nuk do të ketë dalje nga varfëria e skajshme”, u shpreh Basha nga protesta.
Keni një histori? Denonco anonimisht, identiteti juaj mbrohet.
Denonco
