Basha nga Unaza e re: Nesër do të publikohen faktet tronditëse se sa e madhe është kjo vjedhje

Banorët e Unazës së re, kanë dalë edhe sot në protestë, për të mos lejuar shembjen e shtëpive të tyre preken nga projekti i rrugës së re.

I pranishëm në këtë protestë ka qenë dhe kreu i Partisë Demokratike, Lulzim Basha, i cili tha se ky është një akt korruptiv.

Basha shtoi se nesër do të publikohen fakte tronditëse nga PD, për projektin që ai e quan korruptiv.

Është një provë e qeverisë së Edi Ramës, dhe i mban ata si të burgosur politikë dhe liron kriminelët. Nesër do të publikojmë fakte tronditëse se sa e madhe është kjo vjedhje. Arrestimi dhe keqtrajtimi i 12 qytetareve që janë arrestuar këtu nuk duhet të ngelet jashtë vëmendjes së mediave.