Basha përfundon takimin me aleatët e tij opozitarë

Ka përfunduar takimi i kryetarit të PD-së, Lulzim Basha me aleatët e tij opozitarë.

Në një prononcim të shkurtër për mediat kryetari i PR-së Fatmir Mediu zbuloi se u diskutua rreth vijimit të qëndresës qytetare.

“Mbetemi të angazhuar për zgjedhje të lira dhe të ndershme. U diskutua për zhvillimin e protestës së radhës. Qytetarët do të vijojnë rezistencët. Marshimi qytetar do të vazhdojë deri në fund për zgjedhje të lira dhe të ndershme”,-tha Mediu, i cili i pyetur për datën e mbajtjes së protestës së rradhës tha se nuk u caktua një datë fikse pasi kjo do të vendoset në mbledhjen e Kryesisë së PD-së.