BASHA ‘VULOS’ KOALICIONIN, I THOTË HAPUR ASTRIT PATOZIT: NUK DO TË KETË OPOZITË FALLCO

Basha tha edhe njëherë prerë se nuk ka zgjedhje me Ramën kryeministër ndërsa iu përgjigj edhe interesit të gazetarëve për partinë e re opozitare, Bindja Demokratike që u regjistrua sot në Gjykatë.

“Nuk do ketë opozitë fallco”, tha prerë Basha për partinë që pritet të drejtohet nga Patozi.

Më shumë nga FJALA E BASHËS:

Në orët e ditët në vijim ky koalicon do zgjerohet me parti të tjera politike, ky koalicion është i gatshëm për partneritet me grupimet qytetare, grupet e interesit.

Kjo fillon duke i dhënë fund krimit elektoral të zgjedhjeve fallco. Ky është angazhimi i parë i koalicionit opozitar. Kurrë më nuk do pranojmë një proces fallso, do angazhohemi fuqimisht përmes aksionit tonë të përbashkët që zgjedhjet e ardhshme, të jenë të lira e të ndershme.

Është e domosdoshme të ndëshkohet krimi elektoral që prodhoi një parlament ilegjitim.

Pakti, marrëveshja opozitare nuk është thjesht një konfirmim i mazhorancës që re politike. Mbi supet tona është një mision më i madh, kombëtar: Për t’i dhënë fund tranzicionit, për zgjedhje me demokraci, me shtetin e së drejtës, ekonomi e kudo. Akti i parë i këtij koalicioni do jetë kombësimi i platformës për zgjedhje të lira të ndershme, reformimi i sistemit politik, ndalja e krimit ekonomik.

Hap i panegociueshëm, largimi i autorit të krimit elektoral, largimi i Edi Ramës dhe një qeveri tranzitore që do garantojë zgjedhje të lira e të ndershme, që t’i diktojë sovrani.
Dua të citoj Thomas Jefferson, tirania është kur populli ka frikë qeverinë, liria kur qeveria ka frikë popullin.

PËR PARTINË E RE

Gjeneza e të keqes ku ndodhemi janë zgjedhjet fallco nga krimi, s’do ketë më zgjedhje fallco, parlament fallco, nuk do ketë më opozitë fallco