Berisha flet për Isuf Kalon: Miku im besnik!

I pyetur për pjesëmarrjen e tij në promovimin e librit “Blloku” të Isuf Kalos, ish kryeministri Sali Berisha tregoi miqësinë e tij të ngushtë me mjekun e njohur, që ditët e fundit ka qenë në qendër të vëmendjes me publikimin e tij të fundit.

“Isuf Kalo është një mik i imi që në vitin e parë të karrierës sime mjekësore. Kemi qenë në një klinikë dhe kemi patur që në fillim një shoqëri e miqësi që nuk është lëkundur kurrë. Në ato vite, me Isuf Kalon, dëgjonim emisionet e zgjatura të BBC, rusisht, që ishin më anti-komunistët e kohës. Ka qenë mjek i diktatorit Enver Hoxha. Nuk gjen një njeri që të thotë se, Isuf Kalo më tradhtoi. Ka qenë një mik luajal. Unë respektoj zgjedhjen e njeriut. Ai ka shkruar një libër por miqësia është miqësi. Dhe e fundit, ka qenë një jetë e gjatë në diktaturë. Nuk ka njeri të thotë se pësova gjënë më të vogël nga Isuf Kalo.  I kam shkuar dhe do ti shkoj“, deklaroi Berisha në Syri tv.

“Mjeku nuk vret. Ata që presin që mjeku të vrasë të sëmurin, e kanë gabim. Enver Hoxhën nuk e kam vizituar se nuk më ka thirrur kush. Po të më thërrisnin, do e vizitoja. Është betimi i Hipokratit“, u shpreh ish-kryeministri.