‘Biri i dytë politik i Sali Berishës’/ Ish-kryeministri: Përqeshja më e madhe që Rama i ka bërë Patozit

Gjatë fjalës së tij nlë foltoren e parlamentit, kryeministri Edi Rama do e quante Astrit Patozin si “birin e dytë politik të Sali Berishës”.

Por nuk ka munguar as përgjigja e ish-kryeministrit Sali Berisha, i cili gjatë intervistës për “360 Gradë”, ironizoi duke thënë: “Berisha urdhëroi anëtarët e KQZ ta regjistrojnë në kundërshtim me ligjin?!”

Për Sali Berishën kjo ishte përqeshja më e madhe që Rama i ka bërë Astrit Patozit.

Pjesë nga debati:

Berisha: I thotë atij të ka fut Saliu.

Zheji: Je djali i dytë i Saliut, një në PD, një në BD.

Berisha: Saliu ja urdhëroi atij anëtarët e KQZ për ta regjistruar në kundërshtim me ligjin.Nuk e di çfarë flet. Ti e njeh më mirë se unë. Nuk mund t’ja marrësh për bazë fjalët një njeriu që në çdo fjalë nxjerr dy gënjeshtra . Përveç kësaj është i njohur si përdorues droge.

Zheji: Është Astrit Patozi djali juaj politik i dyti? Po, jo?

Berisha: Kjo është përqeshja më e madhe që Edi Rama i ka bërë Astrit Patozit.

Dyrnjaja: Ju thoni se Ramës po i bien dhëmbët një nga një. Cila është era e re politike?

Berisha: Ajo që do të bëjë ndryshimin esencial është shteti ligjor. Sot pas 6 vitesh në pushtet koha është të bëhen krahasimet. Nëse marrim në çdo aspekt. Po marr investimet e huaja.Zero kompani të mëdha në 6 vite, kompanitë më të gjigante të botës para tyre. Askush nuk të vjen pa shtetin ligjor, ashtu si ishte, nuk them se ishte i përsosur. Kemi dorëzuar pushtetin me 5200 të burgosur.Investimet janë thelbësore.