Çfarë sekuestroi SPAK te “Harabeli” i Ajola Xoxës

Erion Veliaj pritet të mbërrijë në orën 18:00 në Shqipëri nga Gjermania, ku ishte për një vizitë zyrtare. Deri më tani, kryebashkiaku nuk ka bërë asnjë koment lidhur me veprimet e SPAK, i cili, me vendim gjykate, sekuestroi celularin e bashkëshortes së tij, Ajola Xoxa, dhe kreu kontroll në shtëpinë e vëllait të tij, si edhe në qendrën artistike “Harabel”.

Në qendrën “Harabel” janë sekuestruar dokumente, kontrata, fatura pagesash dhe transaksionesh. Këto materiale pritet t’i shërbejnë SPAK për hetimin që po zhvillon ndaj Erion Veliajt dhe familjarëve të tij.

Në orët e mëngjesit, hetuesit e BKH priten për më shumë se 1 orë e 40 minuta për të hyrë në vilën e z. Veliaj, pasi bashkëshortja e tij, Ajola Xoxa, nuk hapi derën. Në hyrjen e shtëpisë u vu re prania e Alb Dabullës, djalit të Arta Dades, një figure e njohur e Partisë Socialiste. Ndërkohë, në shtëpinë e Arbër Veliajt, vëllait të kryebashkiakut, hetuesit sekuestruan dokumente dhe pajisje, të cilat do të analizohen nga SPAK.